Donderdag 16 Januarie 2014

Medewerkers


Marco en José Baan is nou voltydse werkers by IKEG. Ook hier het die Here Sy leiding laat sien in twee mense wat baie toegewyd is. Soos voorheen al genoem is dit belangrik om geskikte leiers vir IKEG, ook as toekomstige opvolgers te kry. Ons kan nie alles meer alleen behartig nie, aangesien die werk so uitgebrei het. Ons is dankbaar om te sien hoe die Here op die regte tyd die regte mense in die regte posisies aanstel. So kan ons ook met dankbaarheid merk hoe die weë van die Here lei. 

Jakob Jan en Tamara Matze is twee pragtige jongmense. Hulle was vroeër studente op die Bybelskool en het daar baie van die skoling van Veritas en kinderwerk geleer. Na gesprekke met Marius, het hulle besluit om die volledige leierskapsopleiding van IKEG (CEF) in Kilchzimmer, Switzerland te volg. Ons is baie opgewonde oor hierdie 2 jongmense wat nou ’n roeping kry om ook die Evangelie aan kinders te verkondig. Hulle gaan moontlik voltyds in Duistland woon by die langtermyn Bybelskool wat daar beplan word. Saam met hulle ander verantwoordelikhede by hierdie Bybelskool, is daar ook die moontlikheid om in ’n streng Katolieke omgewing kinders te bereik! Bid asseblief dat die Here hul planne sal seën en hulle die nodige leiding sal gee.


Geen opmerkings nie:

Plaas 'n opmerking