Aangesien ons nie meer die onderhoud van ons tuin kon
byhou nie en daar groot veranderinge nodig was, het ons dikwels die saak voor
die Here neergelê en gevra: “Hoe verder”? Marius het twee Bybelskoolstudente
vir advies genader en voor ons geweet het wat ons tref, was ’n hele span een
Saterdagoggend voor ons deur met die nodige “gereedskap”.
Die grasveldjie voor
ons huis, is in ongeveer 10 minute uitgehaal. Daar is nou aan die voor- en aan
die agterkant stene gelê. Wat so besonder is aan hierdie metamorfose is dat dit
ons NIE EEN SENT gekos het nie! Die manne het dit as guns kom doen vir die
Bybelse onderrig wat hulle van Marius ontvang. Een het in ons oor gefluister
dat hy al die stene wou betaal! Hierdie geskenk is nie alleen die hoeveelheid
geld werd nie, maar ook die liefde en tyd wat hierdie jongmense ingesit het om
ons te help. Dit was vir ons ’n bemoediging en verseker ’n geskenk uit die hand
van die Here.
Geen opmerkings nie:
Plaas 'n opmerking